A seguinte revolución do software: células biolóxicas programables
As células do teu corpo son como o soporte lóxico dun ordenador: están "programadas" para levar a cabo certas tarefas en momentos específicos. Segundo a bióloga computacional Sara-Jane Dunn, se lográsemos comprender mellor este proceso, seriamos capaces de reprogramar células nós mesmos. Nesta charla científica de vangarda, explícanos como o seu equipo está estudando as células nai embrionarias para comprender mellor os fundamentos biolóxicos que permiten a vida e desenvolver "software vivente" que podería cambiar a medicina, a agricultura e a enerxía.